கற்றுக் கொள்..! கற்றுக் கொடு....!!

வணக்கம்...என் இந்தியா இளைய தமிழகமே..!
online

நான் இங்க இருக்கேன்....!

http://adobeperson.com/wp-content/uploads/2008/10/photoshop-chatting-logo-website-graphics24.jpg

உடனடி மொபைல் இமெயில் பதிலுக்கு...

இலவச மின் சந்தா

Enter your email address:

Delivered by FeedBurner

Join me on என் இனிய இணைய இளைய தமிழகமே!
"நகர்ந்து கொண்டிருப்பதே நதி!-இயங்கிக் கொண்டிருப்பவனே இளைஞன்!"
♥ athisivam... 16 friends 10 photos 1 Event
வணக்கம்!
என் இனிய இணைய இளைய தமிழகமே!
அன்பை விதைத்து நண்பர்களே..! நட்புப் பூந்தோட்டம் போட..! இங்கே வாங்க...! இந்த இணையம் முழுக்க நம் நண்பர்களே!
Members on என் இனிய இணைய இளைய தமிழகமே!:
d.s.kannan d.s.kannan SenthilKuma... SenthilKumarc- hinnachami selvaananthan selvaananthan- poovalingam poovalingam kumar.P kumar.P
About என் இனிய இணைய இளைய தமிழகமே!
இணையத்தில் நமக்கான உலகம்...!
என் இனிய  இணைய  இளைய தமிழகமே! 23 members 10 photos
To control which emails you receive on என் இனிய இணைய இளைய தமிழகமே!, click here


ஆர்குட்டில்  இணைய 

http://www.penguinbooksindia.com/delhi/images/orkut_logo.gif



பேஸ் புக்கில்  இணைய 

http://www.bayviewhotels.com/beach/displays/Images/facebook_20logo.jpg





இமெயில் குழுவில் இணைய...
http://www.globalemailmarketing.com/images/logo-yahoomail.gif Yahoo! Groups
உங்கள் அன்புக்கு நன்றி!

Visit this group
இமெயில் குழுவில் இணைய...

http://rebelpixel.com/wp-content/gmail-logo.gif
Google Groups
Subscribe to beyouths
Email:
Visit this group

Hit Counter

Followers

என் வலைப் பூக்கள்....!

About Me

My photo
e m@il: (loveable@poetic.com) (foryouths@beyouths.com) (mobile 9941463500)

Sunday, August 9, 2009

சைபர் யுத்தம் : CYBER WAR

சைபர் யுத்தம் : CYBER WAR

அண்மையில் அமெரிக்க அதிபர் ஒபாமா இணைய வழி 'சைபர்' தாக்குதல்களில் இருந்து அமெரிக்காவை காப்பாற்றும் நோக்கில் செயற்படக்கூடிய தனி அலுவலகம் ஒன்றை வெள்ளை மாளிகையில் அமைப்பதற்கான அறிவிப்பை வெளியிட்டார். உலக வல்லரசுகளின் இராணுவ கணனி நெற்வேர்க்குகளை செயலிழக்க வைக்கும் முயற்சியில் உலகில் ஆயிரக்கணக்கான ஹக்கர்(Hacker) குழுக்கள் இயங்கி வருகின்றன. இந்த ஹக்கர் குழுக்களால் உடைக்க முடியாதபடி அரசாங்கத்தின் கணனிகள் மற்றும் அவற்றின் வலையமைப்புகளுடனான தொடர்புகளை கட்டுப்படுத்தும் திட்டங்களை இந்த அலுவலகம் ஒருங்கிணைக்கும். இந்த திட்டத்திற்கு பல பில்லியன் டாலர்கள் செலவாகும் என்று மதிப்பிடப்பட்டிருக்கிறது.
அமெரிக்காவுக்கு இந்த சைபர் யுத்தத்தில் தோற்ற அனுபவமும் உண்டு. 1999 மார்ச் மாதம் Yugoslavia வில் ஆகாய தாக்குதலை தொடங்கி மூன்று தினத்தில் NATAவின் கம்பியூட்டர் நெற்வேர்க்கை "Ping Attack", "e-mail Bomb" என்னும் முறைகளை பாவித்து நடத்தப்பட்ட யுத்தத்தில் சேர்வியா கம்பியூட்டர் ஹக்கர் குழு வெற்றி கொண்டது. இதற்கு காரணம் அமெரிக்கா இவ்வாறான சைபர் யுத்தத்திற்கு தன்னை அப்போது முழுமையாக தயாராக்கவில்லை.
Ping Attack - இணையத்துடன் இணைக்கப்பட்ட ஒரு கணனியை Chain Ping செய்வதன் மூலம் அந்த கணனியை செயலிழக்க செய்தல்.
e-mail Bomb - அதிக தகவல் கொள்ளளவுடன் ஆயிரக் கணக்கான மின்னஞ்சலை அனுப்புவதன் மூலம் மின்னஞ்சல் விநியோகிக்கும் கணனியை செயலிழக்க செய்தல்.
அண்மையில் இலங்கையின் இராணுவ இணையத்தளம் ஹக்கர் குழு ஒன்றினால் கைப்பற்றப்பட்டது நினைவில் இருக்கலாம். இப்படியான சைபர் யுத்தம் ஒரு ஆயுத யுத்தத்தைப் போன்று பாரிய இழப்புக் கொண்டதாகவும் அமையும். இதனை அடிப்படையாக கொண்டு வெளிவந்த DIE HARD 4 திரைப்படம் சைபர் யுத்தத்திற்கு சிறந்த உதாரணம்.

http://skylinelk.blogspot.com/2009/05/cyber-war.html

Share/Save/Bookmark

பயர்வால்கள் (Firewalls) எப்படி செயல்படுகின்றன?

பயர்வால்கள் (Firewalls) எப்படி செயல்படுகின்றன?


உங்களுக்கும் இன்டர்நெட்டுக்கும் இடையே ஒரு பாதுகாப்பு அரணாக இயங்க வேண்டுவதே பயர்வால் தொகுப்பின் தன்மையாகும். இது உங்கள் கம்ப்யூட்டருக்குள் வர முயற்சிக்கும் வைரஸ்களை தடுக்கும் செயலை முழுமையாக மேற்கொள்ளவில்லை. குறிப்பிட்ட சில போர்ட்டுகள் மூலம் வரும் வைரஸ்களை மட்டுமே இதனால் தடுக்க முடியும்.


இன்டர்நெட்டில் நம் கம்ப்யூட்டரை இணைத்து செயல்படுகையில் அது பல்லாயிரக்கணக்கான கம்ப்யூட்டர்கள் இணைந்த நெட் வொர்க்குடன் இணைந்து செயல்படுகிறது. இதனால் இந்த நெட்வொர்க்கில் உள்ள அனைத்து கம்ப்யூட்டர்களில் இருந்தும் உங்கள் கம்ப்யூட்டரைத் தொடர்பு கொள்ள சந்தர்ப்பம் கிடைக்கிறது. இதனைப் பயன்படுத்தித்தான் பல விஷமிகள் நம் கம்ப்யூட்டரில் உள்ள தகவல்களைத் திருட முயற்சிக்கிறார்கள். அல்லது வைரஸ் புரோகிராம்களை அனுப்பி நம் கம்ப்யூட்டரில் நாசம் விளைவிக்கிறார்கள். இந்த முயற்சியில் ஈடுபடுவோர் எப்போதும் சற்றும் மனம் தளராத விக்கிரமாதித்தன் போல தொடர்ந்து செயல்படுகின்றனர்.


இவர்களிடமிருந்து நம் கம்ப்யூட்டரை மூன்று வழிகளில் பாதுகாக்கிறோம்.

1. வைரஸை அண்டவிடாமலும் அப்படி வந்துவிட்டால் அவற்றை நீக்கும் செயலையும் மேற்கொள்ளும் ஆண்டி வைரஸ் எனப்படும் புரோகிராம்கள்.

2. உள்ளே இது போன்ற எந்த நாசம் விளைவிக்கும் புரோகிராமினையும் புகவிடாமல் தடுக்கும் பயர்வால் புரோகிராம்கள்.

3.ஸ்பைவேர் அழித்தல்.

இந்த மூன்று வகை புரோகிராம்களும் இன்றைக்கு ஒரு கம்ப்யூட்டருக்குத் தேவை. இதன் முக்கியத்துவம் ஒன்றுக்கொன்று வேறுபடலாம். இங்கு பயர்வால்கள் என்ன செய்கின்றன என்று பார்க்கலாம்

உங்களுக்கும் இன்டர் நெட்டுக்கும் இடையே ஒரு பாதுகாப்பு அரணாக இயங்க வேண்டுவதே பயர்வால் தொகுப்பின் தன்மையாகும். இது உங்கள் கம்ப்யூட்டருக்குள் வர முயற்சிக்கும் வைரஸ்களை தடுக்கும் செயலை முழுமையாக மேற்கொள்ளவில்லை. குறிப்பிட்ட சில போர்ட்டுகள் மூலம் வரும் வைரஸ்களை மட்டுமே இதனால் தடுக்க முடியும்.

பயர்வால் தொகுப்பைப் பொறுத்தவரை இரண்டு வகை உண்டு:ஹார்ட்வேர் பயர்வால் மற்றும் சாப்ட்வேர் பயர்வால்.


அதிகம் புழங்கப்படும் ஹார்ட்வேர் பயர்வால் ரௌட்டராகும் (router).ஒரு சிறிய நெட்வொர்க்கில் இது கம்ப்யூட்டருக்கும் மோடத்திற்கும் இடையே இணைக்கப்படும். உங்களுக்கு இன்டர்நெட் தொடர்பினைத் தரும் இன்டர்நெட் சர்வீஸ் புரவைடர் நிறுவனம் உங்கள் கம்ப்யூட்டருக்கென ஒரு ஐ.பி. முகவரியினைத் தரும். இது தெரிந்தால் யாரும் இதன் மூலம் உங்கள் கம்ப்யூட்டருக்குள் புகுந்து தகவல்களைத் திருட முடியும். இந்த ரௌட்டர் அதனை மற்றவர்களிடமிருந்து மறைத்து வேறு ஒரு முகவரியை இணைக்கப்பட்ட கம்ப்யூட்டருக்குத் தருகிறது. இதன் மூலம் கம்ப்யூட்டரில் எளிதாக நுழையக் கூடிய போர்ட்களை ரௌட்டர் மூடிவிடுகிறது.

சாப்ட்வேர் பயர்வால் சிறிது மாறாகச் செயல்படுகிறது. இதில் சில நன்மைகளும் உள்ளன; பிரச்னைகளும் உள்ளன. ஹார்ட்வேர் பயர்வால் கம்ப்யூட்டருக்கு வெளியே அமைக்கப்படும் சாதனம். சாப்ட்வேர் பயர்வால் கம்ப்யூட்டரில் இன்ஸ்டால் செய்யப்படும் புரோகிராம். எது எப்படி இருந்தாலும் உங்கள் கம்ப்யூட்டருக்கு ஏதாவது ஒரு பயர்வால் கட்டாயம் தேவை.

சாப்ட்வேர் பயர்வால் உங்கள் கம்ப்யூட்டரில் எம்.எஸ். ஆபீஸ் தொகுப்பு போல ஒரு அப்ளிகேஷன் புரோகிராமாக இயங்குகிறது. இதனால் நீங்கள் இன்டர்நெட் தொடர்பில் இருக்கையில் புராசசர் வேகம் சற்று குறையலாம். சாப்ட்வேர் பயர்வால் ரௌட்டர் செய்வது போல ஐ.பி.முகவரி மாற்றம் எதனையும் மேற்கொள்ளாது. சாப்ட்வேர் பயர்வால் செயல்படுவது ஒரு நண்பரை வாட்ச்மேனாக வைத்திருப்பது போல.

இன்டர்நெட்டில் பிரவுஸ் செய்கையில் எந்த புரோகிராமினை நாம் இன்டர்நெட்டில் தொடர்பு கொண்டாலும் உடனே சிறிய பாக்ஸ் ஒன்றை உருவாக்கி இந்த ஐ.பி. முகவரியிலிருந்து இந்த புரோகிராம் உங்கள் கம்ப்யூட்டரில் நுழைந்திட முயற்சிக்கிறது. இதனை அனுப்பவா? என்று கேட்கும். நீங்கள் அனுமதித்தால் தான் அதனை அனுமதிக்கும்.

இது கெடுதலான புரோகிராமிற்கு மட்டுமல்ல. நீங்கள் தொடர்பு கொள்ள விரும்பும் அனைத்து புரோகிராம்களுக்கும் இந்த செய்தி கிடைக்கும். ஒரு முறை ஒரு புரோகிராமினை அறிந்து கொண்டு அதனை நீங்கள் அனுமதிப்பதையும் பதிந்து கொண்டு அடுத்த முறை அதே வெப் சைட்டை நீங்கள் தொடர்பு கொள்கையில் உங்களைக் கேட்காமலேயே அனுமதிக்கும்படியும் இதனை செட் செய்திடலாம்.

வேறு எவராவது அவர்களின் புரோகிராம் மூலம் உங்கள் கம்ப்யூட்டருக்குள் திருட்டுத் தனமாக நுழைய முயற்சிக்கையில் இந்த ஐ.பி. முகவரியிலிருந்து ஒருவர் உங்கள் கம்ப்யூட்டருக்குள் முயற்சிக்கிறார் என்று எச்சரிக்கைச் செய்தியினை பயர்வால் வழங்கும். அப்படிப்பட்ட நேரத்தில் அதனைக் குறித்து வைத்துக் கொண்டு உங்களுக்கு இன்டர்நெட் இணைப்பு தரும் நிறுவனத்தைத் தொடர்பு கொண்டு இந்த முகவரியிலிருந்து ஒருவர் என்னுடைய கம்ப்யூட்டருக்குள் வர முயற்சிக்கிறார் என நீங்கள் தெரிவிக்கலாம்.

பயர்வால் என்பது இன்டர்நெட் பயன்படுத்தும் அனைவருக்கும் தேவயான ஒன்று. எனவே இணையத்தில் இலவசமாகக் கிடைக்கும் பயர்வால் ஒன்றை டவுண்லோட் செய்து பயன்படுத்துவது நல்லது. அல்லது நிறுவனங்கள் விற்பனை செய்திடும் பயர்வால் ஒன்றை வாங்கிப் பயன்படுத்தலாம். விண்டோஸ் எக்ஸ்பி தொகுப்பில் பயர்வால் ஒன்று இணைக்கப்பட்டுள்ளது. ஆனால் இது ஒரு சிறிய அளவில் தான் இயங்குகிறது.

http://www.honeytamilonline.co.cc/2009/03/firewalls.html

Share/Save/Bookmark

Wi-Fi தொழில்நுட்பம் ஏற்படுத்தியுள்ள அச்சுறுத்தல்கள்!

Wi-Fi தொழில்நுட்பம் ஏற்படுத்தியுள்ள அச்சுறுத்தல்கள்!


"ஒயர்லெஸ் ஃபிடெலிடி" என்ற தொழில் நுட்பம்தான் Wi-Fi தொழில் நுட்பம் என்றுஅழைக்கப்படுகிறது. லோக்கல் ஏரியா நெட்வொர்க் (LAN)) என்று அழைக்கப்படும்நெட்வொர்க்குகளின் ஒரு சில வகைகள் Wi-Fi தொழில் நுட்பம் என்றுஅழைக்கப்படுகிறது. அதாவது நெட்வொர்க்குகளுக்கும், கணினி, இணையதளஇணைப்புகளுக்குமான கம்பிவட தொழில் நுட்பத்திற்கு அடுத்தகட்டமாக இந்தகம்பியற்ற இணைப்புத் தொழில்நுட்பம் தற்போது வெகு வேகமாகபரவலாகிவருகிறது.

முறையான பாதுகாப்பு, தடுப்பு ஏற்பாடுகள் இல்லையெனில், Wi-Fi நெட்வொர்க்கை யார் வேண்டுமானாலும் அனுமதியின்றி பயன்படுத்தி எந்தவிதமான நாசவேளைகளிலும் ஈடுபடலாம் என்பதே தற்போது எழுந்துள்ள அச்சம்.

இந்தியா தற்போது
தகவல் தொடர்பியலில் புரட்சியை எதிகொண்டு வருகிறது. மிகப்பெரிய செல்பேசி சந்தையாக இந்தியா வளர்ந்து வரும் நிலையில் இந்ததொழில் நுட்பமும் இந்தியாவில் அதிக வளர்ச்சியை பெறும் என்றுஎதிர்பார்க்கப்படுகிறது.

இந்திய வர்த்தகத் துறைகளில் ஏற்பட்டு வரும் மாற்றங்கள், இதனால் மக்கள்வாழ்முறைகளில் ஏற்படும் மாற்றங்கள் ஆகியவற்றால் கணினிகள், லேப்டாப்கள், அடுத்த தலைமுறை அதி தொழில் நுட்ப ஸ்மார்ட் ஃபோன்கள் மற்றும்பிற கைவழி பயன்பாட்டு மின்னணுக் கருவிகளின் தேவை கணிசமாக பெருகிவருகிறது. இதனுடன் சேர்ந்து 24 மணி நேர இணைப்புச் சேவை, பரவலானவிரிவலை (பேண்ட்வித்) ஆகியவற்றிற்குமான தேவைகளும் கூடி வருகிறது.

இந்த மாற்றங்களுக்கு ஈடுகொடுக்ககூடிய ஒரு தொழில் நுட்பமான Wi-Fi தொழில்நுட்பம் தற்போது இந்திய கார்ப்பரேட் நிறுவனங்கள், கல்வி நிறுவனங்கள், வீ
டுகள் மற்றும் சில்லறை விற்பனை நிலையங்கள் ஆகியவற்றில்விரும்பத்தகுந் ஒரு இணைப்புத் தொழில்நுட்பமாக அசுர வளர்ச்சி கண்டுள்ளது.

இந்த தொழில் நுட்பத்தை உருவாக்கிய Wi-Fi அலையன்ஸ் நிறுவனத்தின்கணிப்பின்படி தற்போது Wi-Fi தொழில் நுட்பத்திற்கான இந்திய சந்தை 270 மில்லியன் டாலர்கள். 2011-12ஆம் ண்டுவாக்கில் இது 900 மில்லியன் டாலர்கள்சந்தையாக வளர்ச்சியடையும்.

ஆனால்... இந்த தொழில் நுட்பம் பல பாதுகாப்பு கவலைகளையும், அச்சுறுத்தல்களையும் அளிக் துவங்கியுள்ளது. சமீபத்தில் நடந்த தொடர் குண்டுவெடிப்பு குறித்து விசாரணை மேற்கொள்கையில், பாதுகாப்பு நிறுவனங்கள், இதற்கு காரணமா ரு மின்னஞ்சலை கண்டுபிடித்துள்ளது. அதனை பின்பற்றிச்செல்கையில் கென் ஹேவுட் என்ற அமெரிக்க குடிமகனின் கணினிக்குஇட்டுச் சென்றுள்ளது.

அதாவது அந்த அமெரிக்கக் குடிமகனின் கணினி ஹேக் செய்யப்பட்டு அதன்வழியாக இந்த மின்னஞ்சல் அனுப்பப்பட்டுள்ளது தெரிய வந்துள்ளது. விசாரணைகள் தொடர்ந்து நடைபெற்று வந்தாலும், இந்த தொழில் நுட்பம்நம்மிடையே சில கேள்விகளையும் சந்தேகங்களையும் ஏற்படுத்தியுள்ளது.


அதாவது சரியாக கண்காணிக்கவில்லையெனில், Wi-Fi நெட்வொர்க்கில் உள்ளகுறைபாடுகளினால் ஹேக்கர்கள் எந்த ஒரு கணினி நெட்வொர்க்கிலும் புகுந்துநாச வேலைகளில் ஈடுபடமுடியும். இதனால் இதன் பயனாளர்களுக்குவிழிப்புணர்வு ஏற்படுத்தவேண்டிய கட்டாயம் பிறந்துள்ளது .


இதற்காக, வெள்ளை அறிக்கை ஒன்றையும் மஹிந்திரா ஸ்பெசல் சர்வீசஸ்குழுமம் (MSSG) வெளியிட்டுள்ளது. அதன் முக்கிய அம்சங்களைப் பார்ப்போம்: "சிறப்பான பாதுகாப்பு செயல்முறைகள் - Wi-Fi -யின் அபாயங்கள் என்று அந்தவெள்ளை அறிக்கை தலைப்பிடப்பட்டுள்ளது.

Wi-Fi தொழில் நுட்பத்தினால் இணையதளம் உள்ளிட்ட இணைப்புகளில்நடந்துள்ள புரட்சிகள் கார்ப்பரேட் நிறுவனங்கள் முதல் வீடுகள் வரை அதன் மீது ஈர்ப்பை அதிகரித்துள்ளது. அதன் பயனும், திறனும் மற்ற கம்பிவட இணைப்பு நெட்வொர்க்குகளை விட அதிகமானது. ஆனால் இது எவ்வளவு பயனுள்ளதோந்த அளவிற்கு பாதுகாப்பு அபாயங்கள் நிறைந்தது. எனவே இந்த குறிப்புகள் சிறந்த தடுப்பு உத்திகளை மேற்கொள்ள பயனுள்ளதாக அமையும்.

கம்பியற்ற இணைப்பு ங்கள் நெட்வொர்க்கை அடைய ஒரு பின்வாசல் வழி!

ஒயர்லெஸ் ஆக்சஸ் கார்டுகளின் மூலம் இயங்கும் லேப் டாப்கள், தானியங்கி இணைப்பு அமைப்புகள் கியவை தற்போது பெருகி வருகிறது. அதாவது ஒயர்லெஸ் இணைப்பு பெற்றுள்ளவர்கள் தகவல்களை வான்வழியாக அனுப்புவதால், அதனை ஹேக் செய்வது சுலபம், அதாவது யார்வேன்டுமானாலும் அதனை பார்க்க முடியும். இதானல் ஹேக்கர்கள் எங்கிருந்தபடி வேண்டுமானாலும் நிறுவனங்களின் நெட்வொர்க்குகள் மட்டுமல்லாது ஒரு நாட்டின் பாதுகாப்பை தீர்மானிக்கும் ராணுவ சம்பந்தமான விஷயங்களையும் தகவல்களையும் வெளியிலிருந்தே அணுக முடியும்.


என்ன தவறு ஏற்பட முடியும்?

எதேச்சையாக அணுகுதல், அதாவது இதில் ஒரு பயனாளர் அடுத்ததாக உள்ளஒரு நிறுவனத்தின் ஊடுருவும் ஒயர்லெஸ் நெட்வொர்க் மூலம் ஒயர்லெஸ்அணுகல் புள்ளியைக் கைப்பற்றி அங்கிருந்து தகவல்களை திருடி என்னவேண்டுமானாலும் செய்யலாம்.

கெட்ட நோக்கத்துடன் அணுகுதல், இதில், ஹேக்கர்கள் ஒரு பொய்யானஅணுகல் இடங்களிலிருந்து தாங்கள் உருவாக்கிய ஒயர்லெஸ் கருவிகள் மூலம்எந்த ஒரு நெட்வொர்க்கையும் ஆட்கொண்டு, அதன் வழி செல்லும் தகவல்களைதிருடுவது.

தற்காலிக நெட்வொர்க்குகள், இதில் ஒயர்லெஸ் கணினிகளுக்கிடையே இணைப்பை ஏற்படுத்துவது, அதாவது ஒயர்லெஸ் அணுகல் இடம் என்ற ஒன்றுஇல்லாமலேயே.

உங்கள் ஒயர்லெஸ் அணுகல் புள்ளி ஒரு குறிப்பிட்ட பகுதியை பரவலாகக்கொண்டு யங்குவதால் நீங்கள் ஒயர் மூலம் அனுப்பும் செய்திகள் மற்றும்கார்ப்பரேட் தரவுகளை (datas) தொலைதூரத்திலிருந்தே அணுக முடிவது.

இதனைத் தடுக்க உடனடியாக செய்ய வேண்டியது என்ன?
  • ஒயர்லெஸ் கருவி அட்மினிஸ்ட்ரேட்டர் தான்தோன்றி கடவுச்சொல்லைஉடனடியாக மாற்றவும். உதாரணமாக ரீ செட் 123 அல்லது அது போன்ற பிறபொதுவான கடவுச்சொல் தானாகவே உங்கள் கணினியில் இருந்தால் அதனைஉடனடியாக மாற்றி வேறு கடவுச்சொல்லை வைக்கவும்.
  • உங்கள் ஒயர்லெஸ் கருவி பயன்படுத்தக்கூடிய WPA/WEP பாதுகாப்புகுறியேற்றங்களை எப்போதும் இயக்கத்தில் வைத்திருக்கவும்.

  • பயனில் இல்லாத போது Wi-Fi மீடியாவின் இயக்கத்தை நிறுத்தி வைப்பது நல்லது. அல்லது பிளக்கை பிடிங்கி வைப்பதும் சிறந்தது.

  • MAC முகவரி வடிக்கட்டி அமைப்பை ஏற்படுத்தி அதிகாரபூர்வ கருவிகளுக்குமட்டுமே இணைப்பை அனுமதிக்கவும்.

  • தானாகவே உள்ள சர்வீஸ் செட் ஐடென்டிஃபையர் (எஸ்.எஸ்..டி.) உடனடியாகமாற்றவும்.

  • தேவையில்லை என்றால் எஸ்.எஸ்..டி. ஒலிபரப்புகளை நிறுத்தி விடுங்கள்.
  • திறந்த Wi-Fi நெட்வொர்க்குகளை தானாகவே இணைக்கும் அமைப்பின்இயக்கத்தை நிறுத்தி வைக்கவேண்டும்.

  • உங்கள் ஒயர்லெஸ் பாதைகள் அனைத்திலும் ஃப்யர்வால்களை (Firewalls) உருவாக்கவும்.

  • உங்கள் வளாகத்தின் மையப்பகுதியில் உங்கள் ஒயர்லெஸ் அணுகள் இடத்தைவையுங்கள். சுவற்றிலோ மூலைகளிலோ வைத்தால் கசிவுகள் ஏற்படும்.

இந்த குறிப்புகள், தனிப்பட்ட பயனர்களுக்கு ஓரளவிற்கு பொருந்தகூடியது. நிறுவனஙளும், அமைப்புகளும் இதனை பரந்துபட்ட அளவில்மேற்கொள்ளவேண்டியிருக்கும். ஒரே படித்தான பாதுகாப்பு முறைகளை இவைகடைபிடிக்க வேண்டும்.

என்ன தொழில் நுட்பத்தை கண்டுபிடித்தாலும், அதனை உடைத்து உள் நுழையும்தொழில் நுட்பத்தை இந்த தொழில் நுட்பங்களிலிருந்தே கண்டுபிடித்துவிடமுடிகிறது என்பதே இதன் மையப் பிரச்சனை. என்று தணியும் இந்தவலைப்பின்னல் பாதுகாப்பு தாகம்?

http://www.honeytamilonline.co.cc/2009/03/wi-fi.html



Share/Save/Bookmark

புளூடூத் பயன்பாடும் பாதுகாப்பும்

புளூடூத் பயன்பாடும் பாதுகாப்பும்


வயர்கள் எதுவுமில்லாமலும், தானாகவும் இணைப்பினை ஏற்படுத்திக் கொள்வதுதான் புளுடூத். நம் அன்றாட வாழ்க்கையின் பல அம்சங்களை எளிமைப்படுத்தும் விஷயங்கள் இதில் உள்ளன.

நாம் கம்ப்யூட்டர்கள், பொழுது போக்கு சாதனங்கள், டெலிபோன் ஆகியவற்றைப் பயன்படுத்தும்போது அவை தங்களுக்குள் பல வகைகளில் இணைத்துக் கொள்கின்றன. பலவித வயர்கள், கேபிள்கள், ரேடியோ சிக்னல்கள், இன்ப்ரா ரெட் கதிர்கள் எனப் பல வகைகளில் ணைப்பு ஏற்படுத்தப்படுகிறது.


ஆனால் புளுடூத் சாதனங்களை இணைப்பதில் தனி வழி கொண்டுள்ளது. குறைந்த மின் சக்தி பயன்பாடு, ஒரே நேரத்தில் எட்டு சாதனங்களுடன் தொடர்பு, எந்த வகையிலும் ஒன்றுக்கொன்று குறுக்கிட்டு செயல் இழக்காத நிலை, இணைந்திடும் சாதனங்கள் நேராக இருந்திடத் தேவையற்ற நிலை, 32 அடி வட்டத்தில் புளுடூத் தொழில் நுட்பம் கொண்ட எந்த சாதனத்தையும் கண்டு இணையும் லாகவம் எனப் பல ப்ளஸ் பாய்ண்ட்களை அடுக்கிக் கொண்டு செல்லலாம்.

புளுடூத் இயக்கப்பட்ட சாதனங்கள் அவற்றின் எல்லைகளுக்குள் இருக்கையில் யாரும் யக்காமலேயே ஒன்றையொன்று புரிந்து கொள்கின்றன. முகத்தை மூடிய நிலையிலும் கண்களை மட்டுமே கண்டு ரோமியோவை ஜூலியட் அடையாளம் கண்டது போல புளுடூத் உள்ள சாதனங்கள் ஒன்றையொன்று கண்டு கொள்கின்றன.

ஒரு எலக்ட்ரானிக் உரையாடல் அவற்றுக்குள் ஏற்படுகிறது. இந்த சாதனங்களைப் பயன்படுத்துபவர் எந்த பட்டனையும் இதற்கென அழுத்த வேண்டியதில்லை. இந்த எலக்ட்ரானிக் உரையாடல் இரண்டு அல்லது மூன்று சாதனங்களுக்கிடையே ஏற்பட்டவுடன் (அவை கம்ப்யூட்டர் சிஸ்டமாகவோ, மொபைல் போனாகவோ, ஹெட்செட் ஆகவோ, பிரிண்டராகவோ இருக்கலாம்) அந்த சாதனங்கள் தங்களுக்குள் ஒரு நெட்வொர்க்கினை ஏற்படுத்திக் கொள்கின்றன. இதை பெர்சனல் ஏரியா நெட்வொர்க் எனக் கூறலாம். ஆங்கிலத்தில் இந்த நெட்வொர்க்கை PAN 0r piconet என அழைக்கின்றனர். இரண்டிற்கு இடையே ஏற்படும் இந்த நெட்வொர்க் அதே அறையில் மற்ற இரண்டிற்கு இடையே ஏற்படும் நெட்வொர்க்கால் பாதிக்கப்படுவதில்லை. இணைப்பு உறுதி செய்யப்பட்ட நிலையில் இந்த இரண்டு சாதனங்களுக்கிடையே தகவல் பரிமாற்றம் ஏற்படுகிறது. இது ஒலி, போட்டோ, வீடியோ, பைல் என எதுவாகவும் இருக்கலாம்.

புளுடூத் பயன்படுத்தப்படும் சாதனங்கள்:

அன்றாட வாழ்வின் நடைமுறையை இந்த புளுடூத் இணைப்பு சந்தோஷப்படுத்துகிறது. எடுத்துக் காட்டாக புளுடூத் ஹெட்செட்கள் உங்களுடைய மொபைல் போன், ரேடியோ ஆகியவற்றுடன் வயர் எதுவுமின்றி இணைப்பு கொடுத்து செயல்பட வைக்கின்றன. மொபைல் போனில் இந்த வசதியைப் பெற A2DP (Advanced Audio Distribution Profile) என்ற தொழில் நுட்பம் இருக்க வேண்டும். ஹெட்செட்டும் அதே தொழில் நுட்பத்துடன் வடிவமைக்கப்பட்டிருக்க வேண்டும். பாடல்களை மட்டுமல்ல போனுக்கு வரும் அழைப்புகளையும் இதில் மேற்கொள்ளலாம்.

பிரிண்டர்களும் புளுடூத் தொழில் நுட்பத்தில் இயங்கும் வகையில் இப்போது வடிவமைக்கப்படுகின்றன. உங்கள் மொபைல் போனில் போட்டோ ஒன்று எடுத்த பின்னர் அதனை அச்செடுக்க பிரிண்டருடன் இணைக்க வேண்டியதில்லை. பிரிண்டரையும் மொபைல் போனையும் புளுடூத் மூலம் இணைப்பை ஏற்படுத்தினால் போதும். கார்களை ஓட்டிச் செல்கையில் நம் மொபைல் போனுக்கு அழைப்பு வந்தால் யாரிடமிருந்து அழைப்பு வருகிறது என்பதனை எடுத்துக் காட்டி போனை எடுக்காமலேயே பேசச் செய்திடும் தொழில் நுட்பம் கொண்ட சாதனங்கள் வந்துள்ளன.

உள்ளே பயணம் செய்திடும் ஐந்து நபர்களின் போன்களை இவ்வாறு இணைத்து இயக்கலாம். அதே போல மொபைல் போனில் ஜி.பி.எஸ். ரிசீவர் இருந்தால் எக்ஸ்டெர்னல் ஜி.பி.எஸ். சாதனம் ஒன்றை புளுடூத் மூலம் இணைத்து தகவல்களைப் பெறலாம். இறுதியாக கம்ப்யூட்டர் இணைப்பைக் கூறலாம். உங்களுடைய மொபைல் போனை புளுடூத் மூலம் கம்ப்யூட்டருடன் இணைத்து பைல்களை அப்டேட் செய்திடலாம். புளுடூத் வசதி கொண்ட கீ போர்டுகளும் இப்போது வந்துவிட்டன. இவற்றையும் கம்ப்யூட்டர் மற்றும் செயல்பாட்டிற்கு ஏற்ப மொபைல் போனுடனும் இணைக்கலாம்.

புளுடூத் செக்யூரிட்டி:

எந்த நெட்வொர்க் இணைப்பு ஏற்படுத்தினாலும் அங்கே பாதுகாப்பு பிரச்னை ஏற்படுகிறது. இங்கும் அதே கதை தான். உங்கள் மொபைல் போனில் புளுடூத்தை இயக்கிவிட்டு சிறிது தூரம் காரிலோ ஸ்கூட்டரிலோ செல்லுங்கள். ஏதாவது இன்னொரு புளுடூத் சாதனம் குறுக்கிட்டு இணைப்பை ஏற்படுத்தும்.

உங்கள் போன் திரையில் இது போல ஒரு சாதனம் இந்த பைலை அனுப்பவா என்று கேட்கிறது? ஏற்றுக் கொள்கிறாயா? என்ற கேள்வி இருக்கும். உடனே இணைப்பைக் கட் செய்வதே நல்லது. ஏனென்றால் இது போல வரும் பைல்களில் வைரஸ் இருக்கும். எனவே தான் இணைப்பு இருந்தாலும் பைலை ஏற்றுக் கொள்ளும் அனுமதியை நாம் தரும்படி மொபைல் போனின் புளுடூத் வடிவமைக்கப்பட்டுள்ளது. இவ்வாறு புளுடூத் மூலம் அடுத்த சாதனங்களைக் கைப்பற்றி கெடுப்பதை "bluejacking," "bluebugging" மற்றும் Car Whisperer" என அழைக்கின்றனர். எனவே நம்பிக்கையான நபர் அல்லது மொபைல் போன் அல்லது சாதனம் என்று உறுதியாகத் தெரிந்தாலொழிய இத்தகைய இணைப்பை அனுமதிக்கக் கூடாது.






http://www.honeytamilonline.co.cc/2009/03/blog-post_11.html


Share/Save/Bookmark

உங்கள் கணனிக்கு தேவையான சில அத்தியாவசிய மென்பொருட்கள்

உங்கள் கணனிக்கு தேவையான சில அத்தியாவசிய மென்பொருட்கள்


சிக்கலைத் தீர்த்து கம்ப்யூட்டரை அதிகபட்ச அதன் திறனுடன் இயங்க வைக்கும் வகையில் பல புரோகிராம்கள் இருந்தாலும் அவற்றில் சில முக்கியமான இலவசமான புரோகிராம்களை இங்கு காணலாம். அது இது என்று ஏகப்பட்ட வசதிகள் தரும் சாப்ட்வேர் இன்ஸ்டலேஷன், இவற்றினூடே வரும் ட்ரோஜன் வைரஸ்கள், விளம்பரங்கள், துண்டு துண்டாய்ப் பைல்களை வாங்கிக் கொள்வதால் சிதறிய நிலையில் ஹார்ட் டிஸ்க் என இந்த சூழ்நிலைகளில் ஒரு பெர்சனல் கம்ப்யூட்டர் அது இயங்க வேண்டிய அனைத்து திறனுடன் இயங்குமா என்பது சந்தேகமே!

நமக்கு உதவும் பல சாப்ட்வேர் தொகுப்புகள் நம்மை குஷிப் படுத்தினாலும் கம்ப்யூட்டருக்கு சிரமத்தை கொடுக்கும் என்பது உறுதியான ஒரு அனுபவமே. இந்தச் சிக்கலைத் தீர்த்து கம்ப்யூட்டரை அதிகபட்ச அதன் திறனுடன் இயங்க வைக்கும் வகையில் பல புரோகிராம்கள் இருந்தாலும் அவற்றில் சில முக்கியமான இலவசமான புரோகிராம்களை இங்கு காணலாம்.

1. வைரஸ் தடுப்பு

அவாஸ்ட் (Avast) எனப்படும் சாப்ட்வேர் அனைத்து கம்ப்யூட்டருக்கும் பயன்படும் இலவச சாப்ட்வேர் தொகுப்புகளில் முதன்மையானதாகும். கம்ப்யூட்டர் பயன்பாட்டில் பயன்படுத்துபவருக்கே தெரியாமல் உள்ளே புகுந்து நாசம் செய்திடும் வைரஸைக் காட்டிலும் வேறு எது எதிரியாக இருக்க முடியும். அடிக்கடி தன்னை மேம்படுத்திக் கொண்டு இலவச சேவை வழங்கும் சாப்ட்வேர் தொகுப்புகளில் அவாஸ்ட் முதலிடம் பிடித்துள்ளது.

இதிலேயே ஒரு .எம். ஸ்கேனர், இமெயில் ஸ்கேனர் மற்றும் பிடுபி ஷீல்ட் (P2P shield) உள்ளது. இத்துடன் நல்ல தரமான பைல் ஸ்கேனரும் தரப்பட்டுள்ளது. இந்த புரோகிராம் தொடந்து தினந்தோறும் அப்கிரேட் செய்யப்படுகிறது.

தரவிறக்கம் செய்ய : இங்கே கிளிக் செய்யவும்

2. விளம்பர தடுப்பு

வைரஸ்கள் திருடர்களைப் போல் செயல்பட்டு நமக்கு எரிச்சலைத் தருவதாக இருக்கும்போது நம் தலையைப் பிய்த்துக் கொள்ளும் வகையில் இடைஞ்சல் தருவது ஸ்பைவேர் புரோகிராம்களே. இணையத்தில் இந்த ஸ்பைவேர்களை கம்ப்யூட்டருக்குள் நுழைய விடாமல் செய்திடும் பணியைப் பல சாப்வேர் புரோகிராம்கள் செய்தாலும் சர்ச் அண்ட் டெஸ்ட்ராய் (S&D Search and Destroy) சாப்ட்வேர் இந்த வகையில் நல்லதொரு திறமையாகச் செயல்படும் புரோகிராமாக இயங்குகிறது.

ஸ்பை வேர் புரோகிராம்களைத் தேடி அழிப்பதாக இருப்பது மட்டுமின்றி இது இயக்கப்பட்ட நிலையில் இருக்கையில் இத்தகைய புரோகிராம்கள் கம்ப்யூட்டர் உள்ளே நுழைவதனைத் தடுக்கும் கேடயமாகவும் செயல்படுகிறது. குறிப்பாக விளம்பரங்களாக வரும் ஸ்பைவேர்களை இது முனைந்து செயல்பட்டு தடுத்து நிறுத்துகிறது. குடும்பங்களில் கம்ப்யூட்டரைப் பயன்படுத்துகையில் பல அசிங்கமான படங்களுடன் வரும் புரோகிராம்களை அண்டவிடாது காக்கும்.

தரவிறக்கம் செய்ய : இங்கே கிளிக் செய்யவும்

3. குப்பை அகற்றி

வைரஸ் மற்றும் ஸ்பைவேர்களைப் பெரும் அளவில் தடுத்துவிட்டாலும் நம்மால் தடுக்க இயலாத ஒன்று உண்டென்றால் அது விண்டோஸ் இயக்கத் தொகுப்பினால் வருவதுதான். விண்டோஸ் இயக்கத்தில் புரோகிராம்கள் பலவற்றை இன்ஸ்டால் செய்வதினாலும் அன் இன்ஸ்டால் செய்வதினாலும் பல பைல்கள் அப்படியே கம்ப்யூட்டரில் சேர்ந்துவிடுகின்றன. குறிப்பாக ரிஜிஸ்ட்ரியில் அப்படியே இருக்கின்றன. இதனால் கம்ப்யூட்டர் தன் சுய பலத்தை இழந்து அதன் திறனுக்குக் குறைவாகவே இயங்குகிறது.

இந்தச் சிக்கலை எப்படி தீர்க்கலாம்? இதற்கெனவே சி கிளீனர் (CCleaner) அல்லது கிராப் கிளீனர் (Crap Cleaner) என்ற புரோகிராம்கள் இருக்கின்றன. இந்த புரோகிராமினை இயக்குகையில் நாம் பயன்படுத்தாத புரோகிராம்களின் சிஸ்டம் பைல்களை நீக்குகிறது. அத்துடன் இன்டர்நெட் பயன்பாட்டிற்கான டெம்பரரி டைரக்டரியில் உள்ள பைல்களையும் நீக்குகிறது. ரிஜிஸ்ட்ரியை ஸ்கேன் செய்து அதில் உள்ள தேவையற்ற வரிகளையும் நீக்குகிறது.

தரவிறக்கம் செய்ய : இங்கே கிளிக் செய்யவும்

4.சிதறலைச் சேர்த்தல்

விண்டோஸ் இயக்கம் நாள் செல்லச் செல்ல மிகவும் மெதுவாக இயங்குவதற்கு முக்கிய காரணம் ஹார்ட் டிஸ்க்கில் பைல் ஒன்று அங்கும் இங்குமாய் எழுதப்படுவதுதான். அங்கும் இங்கும் இருப்பதால் இந்த பைல்களைத் தேடி எடுத்துப் படித்து இயங்க விண்டோஸ் இயக்கத்தொகுப்பிற்கு வழக்கமான நேரத்தைக் காட்டிலும் அதிக நேரம் தேவையாய் உள்ளது. இப்படி உருவாகும் துண்டுகளை எப்படி பிரித்து ஒரே இடத்தில் அடுக்குவது? அந்த வேலையைத்தான் டிபிராக் (Defrag) என்கிறோம். இந்த வேலையைச் செய்திடும் புரோகிராம்களை டிபிராக்கர் என அழைக்கிறார்கள். இந்த வகையில் சிறப்பான புரோகிராம் O&O Defragger எனப்படும் புரோகிராம் ஆகும். இலவசமாகக் கிடைக்கும் ந்த புரோகிராம் விண்டோஸ் கண்ட்ரோல் பேனலுடன் இணைந்து இயங்குகிறது. இந்த புரோகிராமை நாமே மேனுவலாகவும் இயக்கலாம்.

எங்கே எந்த அளவில் ஹார்ட் டிஸ்க்கில் இடம் சிதறியுள்ளது என்று அறிந்து இயக்கலாம். மேலும் சிதறிய கிளஸ்டர்கள் (பைல்கள் எழுதப்படும் சிறிய துண்டுகள்) வித்தியாசமான வண்ணங்களில் காட்டப்படுகின்றன. இதில் உள்ள கிளஸ்டர் இன்ஸ்பெக்டர் கிளஸ்டர்களில் உள்ளவற்றையும் பைல்கள் எப்படி துண்டு துண்டாய்ப் பதியப்பட்டுள்ளன என்றும் காட்டுகிறது.

5. டெஸ்க்டாப் சர்ச்

இன்றைய கம்ப்யூட்டர்களில் உள்ள திறம்படச் செயல்படும் புரோகிராம்களில் டெஸ்க்டாப் சர்ச் சேவை செய்திடும் புரோகிராமும் ஒன்றாக உள்ளது. குறிப்பிட்ட ஒரு பைலைத் தேடித் தருவது மட்டுமின்றி அதற்கும் அப்பால் சில சொற்களின் அடிப்படையில் பைல்களைத் தோண்டி எடுத்துக் கண்டுபிடித்துத் தரும் பணியையும் செய்கின்றன. உங்கள் பெர்சனல் கம்ப்யூட்டரின் காலக் கடிகாரத்தினையும் பராமரித்து எது எப்போது நடந்தது என்று காட்டுகிறது. இது போன்ற தேடுதல் பணி என்றாலே இப்போதைக்குச் சிறந்தது என அனைவராலும் ஏற்றுக் கொள்ளப்படுவது குகூள் நிறுவனத்தின் தயாரிப்புகளே.

கூகுள் டெஸ்க்டாப் சாதனம் பல்வேறு வகையான தேடுதல் பணிகளைமேற்கொள்கிறது. பைல்கள் மட்டுமின்றி ஆபீஸ் டாகுமெண்ட்களை வரிசைப்படுத்துகிறது. நீங்கள் இணையத்தில் உலா வந்த செயல்பாடுகளை டாகுமெண்ட் செய்து காட்டுகிறது. தற்போதைய இதன் பதிப்பில் (பதிப்பு 5) கூகுள் டெஸ்க்டாப் அதன் ஆன்லைன் சேவைகளுடன் இணைந்து செயல்படுகிறது. இணைய வழி செயல்படுவதால் நீங்கள் உங்கள் அலுவலகத்தில் ஓராண்டுக்கு முன் உருவாக்கிய பைல்களைக் கூட இணையத்தில் இணைந்திருக்கும்போது கண்டறிந்து எடுக்கலாமே!

தரவிறக்கம் செய்ய: இங்கே கிளிக் செய்யவும்


http://www.honeytamilonline.co.cc/2009/08/blog-post_09.html

Share/Save/Bookmark

மொபைல் போனுக்கு வைரஸ் பாதுகாப்பு


மொபைல் போனுக்கு வைரஸ் பாதுகாப்பு


http://aboutonlinetips.com/wp-content/uploads/2009/03/mobile-antivirus1.jpg

டெஸ்க் டாப் கம்ப்யூட்டருக்கான வைரஸ் பாதுகாப்பு தொகுப்புகள் வந்த அளவிற்கு மொபைல் பாதுகாப்பிற்கான ஆண்ட்டி வைரஸ் தொகுப்புகள் இன்னும் வரவில்லை. ஆனால் வைரஸ்கள் மொபைல் போனைத் தாக்கத் தொடங்கிவிட்டன. ஸ்மார்ட் போன்களில் வைரஸ், வோர்ம், ட்ரோஜான் எனப் பலவகை வைரஸ் தாக்குதலுக்கு ஆளாகி வருகின்றன. ஓரிரு நிறுவனங்கள் இத்தகைய வைரஸ்களுக்கு எதிரான பாதுகாப்பு புரோகிராம்களை அளித்து வருகின்றன.

இந்நிலையில் டாட்டா கம்யூனிகேஷன்ஸ் நிறுவனம் எப்–செக்யூர் நிறுவனத்துடன் ஒப்பந்தம் மேற்கொண்டு மொபைல் போன் பாதுகாப்பு வசதிகளை இந்தியாவில் தர முன்வந்துள்ளது. எப்–செக்யூர் நிறுவனத்தின் பாதுகாப்பு தொகுப்புகளை இந்தியாவில் வழங்கும் முதல் நிறுவனம் டாட்டாவாகும். இந்த ஒப்பந்தத்தின் பேரில் வழங்கப்படும் தொகுப்பில் இணைந்த பயர்வால், மால்வேர் எனப்படும் கெடுதல் விளைவிக்கும் தொகுப்புகளுக்கு எதிரான பாதுகாப்பு மற்றும் வைரஸ்களைத் தடுத்து நிறுத்தும் திறன் ஆகியவற்றை இந்த தொகுப்பு தருகிறது. ஸ்மார்ட் போன்களுக்கு இத்தகைய பாதுகாப்பு அவசியம் தேவைப்படுகிறது. இந்த தொகுப்பினைக் கீழ்க்காணும் இணைய தளங்களில் இருந்து ஜி.பி. ஆர்.எஸ். வசதி உள்ள ஸ்மார்ட் போன்களுக்கு நேரடியாகப் பெறலாம். இந்த தொகுப்பு விண்டோஸ் மொபைல், சிம்பியன், யு.ஐ.க்யூ ஆகிய மொபைல் ஆப்பரேட்டிங் சிஸ்டங்களில் வேலை செய்கிறது. இந்த தொகுப்பில் உள்ள பயர்வால் வசதியை எளிதாக இன்ஸ்டால் செய்திடலாம். வை–பி வசதி உள்ள இடங்களில் பொது நெட்வொர்க்கில் இணைந்து இயங்கும் மொபைல் போன்களுக்கு வைரஸ் தொல்லைகள் நாளுக்கு நாள் கூடி வருகின்றன. இவற்றையும் , ஸ்பைவேர் மற்றும் ஒரு மொபைல் போனிலிருந்து செல்லும் கால்கள், எஸ்.எம்.எஸ் களைக் கண்காணிக்கும் புரோகிராம்களையும் இந்த தொகுப்பு கண்டறிந்து தடுக்கிறது. இதன் இன்னொரு சிறப்பு அம்சம் மொபைல் போனில் உள்ள மெமரி கார்டுகளைத் தானாக அடிக்கடி ஸ்கேனிங் செய்வதுதான். ஸ்கேனிங் போது பைல் ஏதேனும் தாக்கப்பட்டதாகத் தெரிந்தால் உடனே அதனை குவாரண்டைன் என்னும் பாதுகாப்பான இடத்தில் இது பதுக்கி வைக்கிறது. இதனால் மற்ற பைல் கள் பாதுகாக்கப்படுகின்றன.


அதே போல ஆண்ட்டி வைரஸ் தொகுப்பு தானாகவே தன்னை அப்டேட் செய்து கொள்கிறது. மொபைல் போன் பயன்படுத்துபவர் இதற்கென எந்த முயற்சியும் எடுக்க வேண்டியதில்லை. எப்போதெல்லாம் ஜி.பி.ஆர்.எஸ்., யு.எம்.டி.எஸ்., வை–பி, டபிள்யூ லேன் ஆகிய நெட்வொர்க்குகளில் ஒரு ஸ்மார்ட் போன் இணைகிறதோ அப்போதெல்லாம் இந்த தொகுப்பு அந்த இணைப்பிற் கான சரியான பாதுகாப்பினை இயக்குகிறது. இல்லை எனில் தன்னை அப்டேட் செய்து கொள்கிறது. ஓராண்டுக்கு இந்த பாதுகாப்பு தொகுப்பினைப் பயன்படுத்த ரூ.999 கட்டணமாகப் பெறப்படுகிறது. அறிமுகச் சலுகையாக இந்த தொகுப்பினைப் பெறுபவர்களுக்கு இதற் கான விலையில் 30% தள்ளுபடியினை டாட்டா கம்யூனிகேஷன்ஸ் வழங்குகிறது.மேலும் 30 நாட்கள் இலவசமாகச் சோதித்துப் பார்க்கவும் அனுமதி கிடைக்கிறது.

http://www.dinamalar.com/weeklys/mmalarnewsdetail.asp?news_id=302&dt=08-10-09


http://www.thebestdigital.com/wp-content/uploads/2009/01/bluetooth-virus.jpg
Share/Save/Bookmark

இன்டர்நெட்டைக் கண்ட்ரோல் செய்வது யார்?


இலவச இமெயில் தரும் இன்டர்நெட் வெப்சைட்களில் அக்கவுண்ட் ஓப்பன் செய்தால் எந்த யூசர் பெயரும் உடனே நமக்குக் கிடைப்பதில்லை. ஒவ்வொன்றாகப் போட்டு பார்க்க வேண்டியதுள்ளது. இறுதியில் அது தரும் பெயரில் ஒன்றைத் தேர்ந்தெடுக்க வேண்டியுள்ளது. இதற்கு வேறு வழியே இல்லையா?


ஏனென்றால் அது கொடுக்கும் யூசர் நேமைப் பயன்படுத்தினால் நமக்கு அது மறந்து போகிறது.


http://www.mazadeducation.org/images/login_icon.gif


வேறு வழியில்லை. சில பெயர்களில் பல மாணவர்கள் ஒரு பள்ளியில் இருக்கலாம். ஆனால் இணைய தளம் தரும் அக்கவுண்ட்டில் ஒரு பெயரில் ஒருவர் மட்டுமே இருக்க முடியும். இல்லை என்றால் கடிதங்கள் முகவரி மாறிப் போய்விடுமே. எனவே வித்தியாசமான முறையில் உங்கள் யூசர் நேம் வைத்துக் கொள்ளுங்கள். இல்லை என்றால் அந்த தளம் கொடுக்கும் பெயர்களில் ஒன்றைத் தேர்ந்தெடுத்துக் கொள்ளுங்கள்.


உங்கள் கேள்வியைப் படித்தவுடன் இணைய தளம் ஒன்று நினைவிற்கு வருகிறது. இது எந்த அளவிற்கு உங்களுக்கு உதவியாய் இருக்கும் என்று தெரியாது. வித்தியாசமான முறையில் இயங்குவதால் அது குறித்து உங்களுக்குத் தகவல் தருகிறேன். அந்த தளத்தின் பெயர்
http://namechk.com
என்பதாகும். இந்த தளம் சென்று உங்களுக்குப் பிடித்தமான யூசர் நேம் சில தளங்களில் கிடைக்குமா என்பதனை அறிந்து கொள்ளலாம். பெயரை டைப் செய்து செக் என்ற இடத்தில் கிளிக் செய்தால் அது 122 வெப்சைட்டுகளுக்குச் சென்று அங்கு உங்கள் பெயரை யூசர் நேமாகப் பயன் படுத்த முடியுமா என்று பார்த்து பதில் அளிக்கிறது. முதலில் பிரபலமான வெப்சைட்டுகளில் மட்டும் உங்கள் பெயருக்கு இடம் இருக்குமா என்று காட்டுகிறது. நீங்கள் அனைத்தும் அறிய ஆவலாய் இருந்தால் அதற்கான பட்டனில் கிளிக் செய்தால் 122 தளங்கள் பெயரும் எதில் உங்கள் பெயருக்கு இடம் உள்ளது என்றும் காட்டும்.

http://www.bcchallenge.org/application/admin/images/login_icon.jpg

இன்டர்நெட்டைக் கண்ட்ரோல் செய்வது யார்? ஐ.நா. சபை போல ஏதாவது குழு உள்ளதா? எந்த நாட்டிற்கு இதில் அதிக அதிகாரம் உண்டு?
http://www.nacsky.com/Images/world%20wide%20web.gif



இன்டர்நெட் உலக மக்கள் அனைவருக்கும் சொந்தமானது. இன்டர்நெட் தனி ஒருவருக்குச் சொந்தமில்லை. என்ன இது ஒன்றுக்கொன்று சம்பந்தமில்லாமல் என்று நினைக்கிறீர்களா? ஆம், எந்த ஒரு தனி நாட்டிற்கும் இது சொந்தமில்லை. இன்டர்நெட்டை The World Wide Web Consortium என்ற அமைப்பு தான் கண்ட்ரோல் செய்கிறது. இதனை ஙி3இ என்றும் அழைப்பார்கள். இது பன்னாட்டளவிலான ஓர் அமைப்பு. இந்த அமைப்பில் பல உட்பிரிவுகள் உள்ளன. இவை இன்டர்நெட்டின் ஒவ்வொரு பிரிவு குறித்தும் கவனம் எடுத்துக் கொண்டு செயல்படுகின்றன.

இவை ஆண்டுக்கு ஒரு முறை ஏதேனும் நாடு ஒன்றில் கூடி இன்டர்நெட் குறித்த அனைத்து பிரச்சினைகளையும் விவாதிப்பார்கள். அங்கு பல முடிவுகள் எடுக்கப்படும். மேலும் அவ்வப்போது சில முடிவுகளும் எடுக்கப்பட்டு அனைவருக்கும் அறிவிக்கப்படும். HTTP, FTP, HTML, PHP மற்றும் அகுக என்றெல்லாம் இன்டர்நெட் வெப்சைட் குறித்து பேசுகிறோம் அல்லவா? இவற்றை வரையறை செய்வது இதுதான். ஒவ்வொரு நாட்டிற்கும் ஒரு சுருக்கமான பெயர் தரப்படுகிறது அல்லவா! அவற்றை முடிவு செய்வதும் இந்த அமைப்புதான். இணையப் பெயர்கள் எப்படி இருக்க வேண்டும் (இந்தியாவிற்கு in ) என்று வரையறை செய்வதில் இருந்து இன்டர்நெட் டிராபிக் எப்படி இருக்க வேண்டும் என அனைத்தையும் இந்த அமைப்பு முடிவெடுத்துச் செயல்படுத்துகிறது. இதற்கு இன்டர்நெட் தொடர்பான பல நிறுவனங்கள் ஆதரவு அளித்து வருகின்றன. இந்த அமைப்பு ஜனநாயக ரீதியாக, எந்த ஒரு நாட்டையும் சாராமல், முடிவெடுப்பதனால்தான் உலகின் அனைத்து குடிமக்களும் இன்டர்நெட்டைப் பயன்படுத்த முடிகிறது.


http://www.scientificamerican.com/media/inline/facts-about-the-webs-creation_1.jpg


http://www.dinamalar.com/weeklys/computermalar_newsdetail.asp?news_id=776&dt=08-10-09

Share/Save/Bookmark

பவர் பாயிண்ட் கோப்பை வீடியோவாக மாற்ற

பவர் பாயிண்ட் கோப்பை வீடியோவாக மாற்ற

நண்பர்களே தொடர்ந்து வேலைகள் அதிகரித்து வருவதால் முன்னெப்போதும் போல் தொடர்ந்து எழுத முடியவில்லை என்னை மன்னித்து உங்கள் ஆதரவை எப்போழுதும் தர வேண்டுகிறேன்.

ஹுலு என்ற இணையத்தளத்தை தெரியாதவர்கள் இணையத்தில் இருக்கவே முடியாது. தெரியாதவர்களுக்காக ஒரு சிறிய அறிமுகம். இந்த தளத்தில் யூட்யூப் போன்றே நிறைய வீடியோக்கள் உள்ளது. அது மட்டுமில்லை டிவியில் ஒளிபரப்பாகும் ஆங்கில சீரியல்கள் முழு திரைப்படங்கள் அனைத்தும் உயர்தரத்தில் உள்ளது.


இந்த தளத்தில் இருந்து வீடியோக்களை தரவிறக்க இந்த மென்பொருள் உபயோகமாக இருக்கும். இதன் மென்பொருள் பெயர் ஹுலு வீடியோ டவுண்லோடர்

இந்த மென்பொருள் மூலம் தரவிறக்கும் வீடியோக்களை எம்பெக் 2, ஏவிஐ (MPEG 2) AVI) போன்ற கோப்புகளாக மாற்றி தரக்கூடிய வல்லமையுடையது

ஓலிகளை தேட


உங்கள் பவர்பாயிண்ட் பிரசன்டேசன்களில் பின்புல இசை கொடுக்க நீங்கள் புதிய இசையை தேடுபவரா நீங்கள் இங்கே செல்லுங்கள். இந்த தளத்தில் எந்தவித இசையாக இருந்தாலும் சரி ஒலியாக இருந்தாலும் சரி இங்கு கட்டாயம் கிடைக்கும்.   எந்தவித ஒலிக்கள் இங்கு உள்ளன என்பதை இவர்கள் இங்கு வரிசைப்படுத்திருக்கிறார்கள் சுட்டி
இணையத்தள சுட்டி


பவர் பாயிண்ட் கோப்பை வீடியோவாக மாற்ற


நீங்கள் வைத்திருக்கும் பவர் பாயிண்ட் கோப்புகளை வீடியோவாக மாற்றி யூட்யுபில் வெளியிட ஆசையா உங்களுக்கு இந்த மென்பொருள் உதவும்.  இந்த மென்பொருள் உங்களிடம் உள்ள பவர் பாயிண்ட் கோப்பை வீடியோவாக மாற்றி தரும்.  பிறகு நேரடியாக யூட்யுப் தளத்திற்கு சென்று உங்கள் கணக்கினுள் நுழைந்து நீங்கள் மாற்றி வைத்திருக்கும் வீடியோ கோப்பை பதிவேற்றுங்கள் முடிந்தது. இனி உங்கள் பவர் பாயிண்ட் கோப்புகளை வீடியோவாக யூட்யூபில் பார்க்கலாம். மென்பொருள் தரவிறக்க சுட்டி

Share/Save/Bookmark

ப்ளாகில் நம் குரல்.

ப்ளாகில் நம் குரல்.

.

நாம் பல பேர் பாத்ரூம் பாடகர்களாக இருப்போம். நம் குரல் ப்ளாகில் ஒலித்தால் நன்றாக இருக்கும் என்று நினைப்போருக்கு ஒரு இலவச வசதி இருக்கிறது. சுலபமாக நம் குரலை ஒலிபரப்பலாம். இதோ முதலில் என் குரலைக் கேட்டு விட்டு, தொடர்ந்து படியுங்கள்.



முதலில், உங்கள் பாட்டையோ பேச்சையோ, விண்டோஸ் சவுண்ட் ரெக்கார்டர் மூலமாக ரெக்கார்ட் செய்து கொள்ளுங்கள். நான் பார்த்தவரை இதில் செய்தால் தான், அப்லோடுக்கு ஏற்றபடி குட்டி ஃபைலாகக் கிடைக்கிறது.

அடுத்து, http://www.archive.org/ சென்று ஒரு கணக்கு துவக்கிக் கொள்ளுங்கள். இது ஒரு ஓப்பன் சோர்ஸ் தளம் ஆகும். அதில் லாகின் செய்தால், கீழே காணும் விண்டோ தோன்றும். open id url எனப்படும், உங்க ப்ளாக் ஐடி கொடுத்தும், உள்ளே நுழையலாம்.

இதில் Audio என்று இருப்பதைக் க்ளிக் செய்யுங்கள். இப்போ கீழே காணும் விண்டோ தோன்றும்.

மேலே கண்ட விண்டோ தோன்றியவுடன், அதில் கீழே இருக்கும், contribute your audio என்று இருப்பதை க்ளிக்குங்கள். இப்போ கீழே காணும் படி டைட்டில் கேட்கும். இப்போ, ஏதாவது ஒரு பெயர் கொடுங்கள். அது ஏற்கனவே கொடுக்கப்பட்டிருப்பதாக இருக்கக்கூடாது.

கவனம் இதில் உங்களுக்கென்று ஒரு பக்கம் எல்லாம் தர மாட்டார்கள். அதனால், ஒரு naming convention ஐ பின் பற்றுங்கள். அதாவது, sumazla என்றால், ஃபைல் பெயருக்கு sumazla 1, அல்லது sumazla A போல தந்தால், பின்னால் தேடி எடுக்க சுலபம்.
நெக்ஸ்ட் என்பதை க்ளிக்கினால், கீழ் கண்ட படி தோன்றும், இதில், title ல் அதே title, description என்ற இடத்தில், ஏதாவது ஓரிரு வார்த்தைகள், keywords என்னும் இடத்தில், உங்கள் ஒலிபரப்பு சம்பந்தமாக ஏதேனும் ஓரிரு வார்த்தைகள், அடுத்து author என்ற இடத்தில் உங்கள் பெயர் ஆகியவை கொடுத்து விடுங்கள். அடுத்து choose liscence என்று சிவப்பு நிறத்தில் இருப்பதை க்ளிக்குங்கள்.
அதாவது, உங்க work பொது என்றால், யார் வேண்டுமானாலும் மாற்றலாம். அதனால், திறக்கும் விண்டோவில், இரண்டு ஆப்ஷனுக்கும் no, no என்று கொடுத்து, உங்கள் நாட்டுப் பெயரைத் தேர்ந்தெடுத்து, select a liscence என்று இருப்பதை க்ளிக்குங்கள்.

இப்போ, அது மறைந்து, மீண்டும் பழைய விண்டோவில் நிற்போம். இப்போ browse செய்து, சேமித்து வைத்திருக்கும், ஃபைலை எடுத்துக் கொள்ளுங்கள். type என்பதில் ஆடியோ என்பதை தேர்ந்தெடுத்துக் கொள்ளுங்கள்.

இது சோதனைக்காக செய்து பார்ப்பதென்றால், (remove after 30 days) என்று இருப்பதை டிக் செய்து கொள்ளுங்கள். ஒரு முறை அப்லோட் செய்து விட்டால், அது அழியாது. அதனால் இதைத் தேர்ந்தெடுத்தால், 30 நாட்கள் முடிந்தவுடன் தானே அழிந்து போகும்.

இனி அப்லோட் ஃபைல்ஸ் கொடுத்தால், உங்களுக்கான பக்கம் உருவாகிவிடும். கவனமாக அதை, ஓரிடத்தில் குறித்து வைத்துக் கொள்ளுங்கள்.

உங்கள் ஃபைலை அது பல வடிவங்களில் மாற்ற, சுமார் ஒரு மணி நேரம் எடுத்துக் கொள்கிறது. அதனால், விண்டோவை இனி மூடிவிடலாம். இனி, ஒரு மணி நேரம் கழித்து, நாம் காப்பி எடுத்து வைத்திருக்கும் urlஐ பிரவுசரில் கொடுத்தால், கீழ்காணும்படி நமக்கான பக்கம் தோன்றும்.

அதில் தெரியும் ப்ளேயரை முதலில் பாட விட்டு, பின், கீழே தெரியும் embed this என்பதை க்ளிக்கினால், கோடிங்ஸ் தெரியும். அதைக் கீழ் காணும் படி, காப்பி செய்து, நம் பதிவின் இடையே பேஸ்ட் செய்தால், வேலை முடிந்தது.

இதற்கு இன்னொரு குறுக்கு வழியும் இருக்கிறது. அதாவது, நமக்கான பக்கம் உருவானவுடனே, அதை நோட் செய்து கொள்ளுங்கள். உதாரணமாக: http://www.archive.org/details/sumazla என்பதாக உள்ளது அல்லவா? இதில் details என்பதை download என்று மாற்றிக் கொள்ளுங்கள். நான் அப்லோட் செய்த ஃபைலை கம்ப்யூட்டரில் உருவாக்கும் போது சேமித்த பெயர் varuga எனபதாகும். இப்போ, அதனோடு, _vbr.mp3 என்பதை சேர்த்துக் கொள்ளுங்கள். இப்போ, இது தான் உங்க நேரடி லின்க்.

http://www.archive.org/download/sumazla/varuga_vbr.mp3


இனி, கீழே காணும் code ஐ பத்திரப்படுத்திக் கொண்டு, அதில் சிவப்பு நிறத்தில் தெரிவதற்கு பதிலாக உங்க நேரடி லின்க் கொடுத்தால் வேலை முடிந்தது.

<embed pluginspage="http://www.macromedia.com/go/getflashplayer" src="http://www.odeo.com/flash/audio_player_standard_gray.swf" width="300" height="52" type="application/x-shockwave-flash" flashvars="valid_sample_rate=true&amp;external_url= http://www.archive.org/download/sumazla/varuga_vbr.mp3" wmode="transparent" allowscriptaccess="always" quality="high"></embed>


மேலே காணும் கோடை உங்க பதிவின் இடையேவோ, அல்லது add a gadget - html/java script மூலமாகவோ புகுத்தி, வழிய விடுங்கள், உங்கள் பாடலை!

இதில் ஆடியோ, வீடியோ, டெக்ஸ்ட் என எல்லா விதமான ஃபைலையும் அப்லோட் செய்யலாம், இலவசமாக!

பாடலோ, கவிதையோ, பேச்சோ, உங்கள் குரலைப் பதிந்துவிட்டு, எனக்குச் சொல்லுங்களே பின்னூட்டத்தில் வழியாக, நானும் கேட்கிறேன்.

http://sumazla.blogspot.com/2009/07/embed-pluginspage.html


Share/Save/Bookmark

புது பதிவர்களுக்கு சில டிப்ஸ்

புது பதிவர்களுக்கு சில டிப்ஸ்



பதிவுலகில் நுழைந்த போது, எனக்கும் கண்ணைக் கட்டி காட்டில் விட்டது போலத்தான் இருந்தது. கொஞ்சம் கொஞ்சமாக அதன் டிப்ஸ் & டிரிக்ஸ் தெரிந்து கொண்டேன். இன்று பதிவுலகில் புதிதாக நுழைபவர்கள், வெற்றி நடை போட, எனக்கு தெரிந்த சில விஷயங்களை தருகிறேன்.

http://www.blogger.com/ க்குள் சைன் இன் ஆனவுடன் தெரிவது தான் Dashboard. இதில் பல கிளை சுட்டிகள் உள்ளன. நான் சொல்லும் வழியை பின்பற்றி, நீங்கள் எளிதாக செய்யலாம்.

1.முதலாவதாக, உங்கள் ப்ளாகில் மேலே பட்டையாக இருக்கும் navigation bar ஐ தூக்கி விடுங்கள். இதனால், ஒரு வெப்சைட் போன்ற லுக் கிடைக்கும். இதை செய்ய, Dashboard - Layout - Edit Html போய், Page Structure என்ற செக்‌ஷனின் கீழ் எதாவது ஒரு இடத்தில் இந்த கோடை பேஸ்ட் செய்து விடவும். இப்போ அந்த பார் மறைந்து விடும்.
/* CSS to hid navigation bar */
#navbar
{
height:0px;
visibility:hidden;
display:none
}

2.உங்கள் பதிவின் தலைப்பையும் முதல் சில வரிகளை கவனமாக தேர்ந்தெடுத்து போடவும். தமிழ்மணத்தில் இணைக்கும் போது முதல் சில வரிகள் தான் அது எடுத்துக் கொள்ளும்.

3.உங்கள் போஸ்டிங் எல்லாம் உங்களுக்கு ஈமெயில் வருமாறு செய்து கொள்ளவும். எதாவது காரணத்தால் ப்ளாக் அழிந்து போனாலும், சுலபமாக போஸ்டிங்கை எடுத்துக் கொள்ளலாம். இதற்கு Dashboard - Settings - Email & Mobile - Email Notifications - Blog send address போய் விரும்பும் ஈமெயிலைக் கொடுத்து சேவ் செய்து விடுங்கள்.

4.அதே போல, நமக்கு வரும் கமெண்ட்ஸை நம்முடைய ஈமெயிலிலேயே படித்துக் கொள்ளலாம். இதற்கு Dashboard - settings - Comments - Comment Notification Email போய் உங்கள் ஈமெயில் ஐடி கொடுத்து விடுங்கள். இல்லாவிட்டால், உங்கள் பழைய பதிவுக்கு வரும் கமெண்ட்டுகள் உங்கள் கவனத்துக்கு வராமலே போய் விட கூடும்.

5.ரீடரின் மூலம் படிப்பவருக்கு மட்டும் தெரியும் படி ஸ்பெஷல் மெஸேஜ் கொடுக்கலாம். இது ரீடரில், பதிவின் இறுதியில் தெரியும். இதற்கு, Dashboard - Settings - Site Feed - Post Feed Footer ல் போய், அதில் விரும்பும் மெஸேஜ் டைப் செய்து சேவ் செய்து விடுங்கள். அவ்வளவு தான்.

6.முதல் பக்கத்தில், இரண்டு மூன்று பதிவுகளுக்கும் மேல் தெரியாதபடி செய்தால், பக்கம் வேகமாக லோட் ஆகும். இதை செய்ய, Dashboard - Layout - page elements - Blog posts - Edit கொடுத்து, Number of posts on main page என்பதில் விரும்பும் எண்ணை கொடுங்கள். இது default ஆக 7 என்று இருக்கும்.

7.கண்டிப்பாக ப்ளாக் ஆர்ச்சீவ் உங்க ப்ளாகில் போட்டு வையுங்கள். அப்போது தான் பழைய போஸ்ட்டிங்கை புது வாசகர்கள் படிக்க முடியும். அதே போல ஃபாலோவர்ஸ் லின்க்கையும் போட்டு வைத்தால் தான், ப்ளாக் பேர் மறந்து விட்டால் கூட, ஃபாலோ பண்ணுபவர்கள் எளிதாக படிக்க முடியும்.

8.சமீபத்திய பதிவுகள், மற்றும் சமீபத்திய கருத்துக்கள் விட்ஜெட்ஸை சைடு பாரில் போட்டு வையுங்கள். எளிதாக இதை செய்ய, Dashboard - Lay out - Add a Gadget - Feed போய், http://sumazla.blogspot.com/feeds/posts/default என்று கொடுத்தால், சமீபத்திய பதிவுகள் கிடைக்கும். அதே போல, http://sumazla.blogspot.com/feeds/comments/default என்று கொடுத்தால், சமீபத்திய கருத்துகள் கிடைக்கும். கவனம், இதில் sumazla என்று இருப்பதற்கு பதில், உங்க ப்ளாக் பேரை போட்டு விடுங்கள்.

9.நீங்கள் நிறைய ப்ளாக் வைத்திருந்தாலும், உங்க ப்ளாக் ப்ரொஃபைலில் முதன்மையான முக்கிய ப்ளாக் மட்டும் தெரியும்படி செய்தால், புது வாசகர்களுக்கு குழப்பம் இருக்காது. முக்கிய ப்ளாகில் மற்ற ப்ளாகுக்கு லின்க் கொடுத்து விடலாம். இதை செய்ய, Dashboard - edit profile - select blogs to display போய், விரும்பியதை மட்டும் டிக் செய்து சேவ் செய்து விடவும்.

10. கடைசியாக நிறைய கமெண்ட்ஸ் கிடைக்க, Dashboard - Settings - Comments போய், who can comment என்று இருப்பதில் Any one என்று தேர்வு செய்யுங்கள். comment form message என்பதில், 'பின்னூட்டமிட்டு செல்லுங்கள்' போல, ஏதேனும் ஒரு மெஸேஜ் டைப் செய்யுங்கள். இது உங்க கமெண்ட் ஃபார்மின் மேல் தோன்றும். அடுத்து, Show word verification for comments என்பதில் No கொடுத்துவிடுங்கள். இல்லாவிட்டால் Captcha டைப் செய்ய சொல்லி எரிச்சலூட்டும்.

11. நான் வைத்திருப்பது போல கூகுள் எழுத்துரு மாற்றியை வைத்துக் கொண்டால், புதியவர்கள் தமிழில் கமெண்ட் செய்ய வசதியாக இருக்கும். இதை செய்ய, Dashboard - lay out - Add a gadget போய், html/javascript என்பதின் கீழ், இந்த கோடை பேஸ்ட் செய்து விடுங்கள். இதில், W என்று இருப்பது அகலம், h என்று இருப்பது உயரம். இதை உங்கள் ப்ளாகுக்கேற்றபடி மாற்றிப் போட்டுக் கொள்ளுங்கள். அவ்வளவு தான்.

<script src="http://www.gmodules.com/ig/ifr?url=http://hosting.gmodules.com/ig/gadgets/file/
103159279678197997651/googleindictransliteration.xml&
synd=open&w=370&h=170&title=Google+Indic+Transliterator&border=%23ffffff%7C3px%2C1px+solid+%23999999&output=js"></script>


12. நீங்கள் போஸ்டிங் போடும் போதும், போட்டோஸ் அப்லோட் செய்யும் போதும், Edit Html என்று போஸ்டிங் விண்டோவில் தெரிவதை க்ளிக் செய்து, html mode ல் போய் செய்தால், தலையை சுற்றவைக்கும் ஃபார்மட்டிங் பிழைகள் தோன்றாது.

இதில் ஏதேனும் சந்தேகம் இருந்தால் கேட்கலாம். வேறு விபரங்கள் தேவைப்பட்டாலும், கேளுங்கள். தெரிந்தவரை சொல்கிறேன்.

http://sumazla.blogspot.com/2009/08/blog-post_6698.html

Share/Save/Bookmark

ப்ளாக் முகவரி மாற்றுவது?

ப்ளாக் முகவரி மாற்றுவது?


ஒரு சிலர், அவசரமாக ஒரு ப்ளாக் கிரியேட் பண்ணும் போது, எதாவது ஒரு முகவரி (url) கொடுத்து விடுவார்கள். பின்னர், இதை மாற்ற வேண்டும், இன்னும் எளிதாக்க வேண்டும் என்று நினைக்கும் போது, எப்படி செய்வது என்று தெரியாது.

இதை மாற்ற முடியாது என்றே பலரும் நினைத்துக் கொண்டிருக்கிறார்கள். ஆனால், எளிதாக மாற்றிக் கொள்ளலாம்.

Dashboard போய், உங்க ப்ளாகின் settings டேபை க்ளிக் செய்யுங்கள். இப்போ அதில், publishing என்று இருக்கும் சப் டேபை க்ளிக் செய்யுங்கள். கீழ்காணும் விண்டோ தோன்றும்.

இதில், Blog*Spot Address என்னும் இடத்தில், உங்க ப்ளாகின் பழைய பெயர் தோன்றும்; இதில், அதை நீக்கி விட்டு, புது பெயர் கொடுத்து, Availability செக் பண்ணி, Word Verification கொடுத்து சேவ் பண்ணினால் முடிந்தது அவ்வளவு தான்.

இனி, உங்களுக்கென்று .com என்றோ, .net என்றோ டொமைன் நேம் வாங்கிக் கொண்டால், இதில் மேலே இருக்கும் Custom Domain என்பதை க்ளிக் செய்து, ப்ளாக் பெயரை உங்க டொமைன் நேமுக்கு மாற்றிக் கொள்ளலாம். அதாவது, ப்ளாகரில் தான் நாம் கணக்கு வைத்திருப்போம், பெயர் மட்டும் .blogspot.com என்று இருப்பதற்கு பதில் .com என்று இருக்கும். ஆனால், இதை விலை கொடுத்து வாங்க வேண்டும்.

http://sumazla.blogspot.com/2009/07/blog-post_08.html

Share/Save/Bookmark

Pages

எளிய கூகுள் தமிழ்த் தட்டச்சு

http://www.google.co.in/transliterate/indic/Tamil
ammaa=அம்மா appaa=அப்பா
(space bar -அய் தட்டவும்...!)

குறிப்பு:
ஆங்கில தட்டச்சுக்கு மாற  Ctrl+g பட்டணை அழுத்தவும்
தமிழ் தட்டச்சுக்கு     மாற Ctrl+g  பட்டணை அழுத்தவும்
(குறிப்பு G என்பது google என்பதின் முதல் எழுத்து )

சற்று முன்....!

Search This Blog

Clicky Web Analytics

Blog Archive

HTML Marquee Codes from Code-Generator.net வருக இ-தமிழன்...!

YouTube வீடியோவைப் டவுன் லோட் செய்ய...

Download youtube Video
There was an error in this gadget
Blog Widget by LinkWithin